Adí pa:pug
Horen Dole:
Namtíla du:yémílo
Nampon appunésin
Namyí:dag
So:tíla du:yémílo
Lígang mímbír alagésin
Lakpe:dag
Kapé iyén lugungéi-tokuma:bong
Lakkepe lagyégom lagníksudag
Lagbíkpé lagyégom lagmursudag
Pakken garma:né longé kídí:sém namkíge:la
Namsíng otuloi dunna mépo:la:boi
Émpige:la topaksula:mang
Tang-ngo bí:ríg-bí:ríglo
Adí pa:pugé pugyod-pugmadla puktíladag
Takorog pé:nam asiné
Ígla léngko kamang
Yumra:lo ígyémílo
Doge:kopagé émna
Tu:tog-takponé dopagdag
Mo:rolo ígyémílo
Rokpan porogé émna
Pémí péttangé sé:bomdakku
Píag amig kídí:dém níkpedma:mílo
Dursíksula turko kamang
Mensarung u:lod kídí:dém norpedma:mílo
Sutkomsula dungko kamang
——–
