Dungkang asin ako
Tuladoi payengtaid
Dungkang asinso mé:bomsunam turjígné aro ma:yingko ma:la
Dungkang asinso gerjubla gerníngko gejigné aro ager gernéko
Dungkang dungkang asinsok mo:pí:so mé:pí:la:nam gí:dang gí:tu:pé turnéko
Dungkang asinso mapíla:mangko mimag asin mérug rugtínamko
Dungkang asinsé Obonori kéréng ré:la bidyutko rígangí:do rígbín bíntila
Dungkang asinsé siyang siko karsíng karyutko yumdé:do po:lo lolad ladnéko
Dungkang dungkang asinso po:rag ragla mirém rémné dumsíg í:rgang ga:néko
Dungkang dungkang asinso dírbí bírla so:man manné mímbír bírnéko
Dungkang dungkang asinso dité dirung mala réngam rígbín bínéko
Dungkang dungkang asinso po:lo lolad ladla do:nyi sa:né mo:lung lu:né mo:píngko
Du:tíla dungkang ma:yarnam ma:nyidé siko ara:lo moyudlígla turnéko
Du:tíla dungkang mé:yar gíyar asindé siko arung runga:mínna
Ru:néno ru:langkuka Pí:néno pí:langkuka édílosin sima:né ru:bo ru:tumpé
Takam mé:bo ma:yingém gerdí ager taru:lo gergé la:dopé
Do:nyi pía:pé po:lo lolatpé ladlendopé mo:pí ru:tum tumnéko
