GONOPUTPUT ONGODÉ KAPÉ AKI: YÉ BÉTTAKAN
Tikumsuné - Mg. Monturam TaídAge:lo béttané a:néko dungai . A:né kérang kéra:lo do:lungé dungai . Odo do:lu dok Tani kídaré béttané a:nédok ongom dola turtungai . Lékoném a:nédok ongo kídí:dé turnam légangé ru:sunam kébang ko ba:pé émna gíkumsuka . Odo kébang do:lo Talí, Dalisitsuk , Malkili , jommang atí atí ongo gíkumsudung ru:sunam légangé . Odo kébang do bulukké aí aí ké yammíné dungai . Appíngé kébang ru:sukolo gídung odokké bedolong ( senebettak ) ongo dé gímang . Kébang ru:suko lottadokké malikili ongodém bedolong ongodém gokkapé mélikto . Malkili ongo dé bedolong ( senebettak) ongodém gogdung o gedgeti bai o gedgeti bai kébang ru:sukapé gípa:yé lomna . Nom gogdopé ngom mélíktag . O gedgeti bai lomna gílang émna goggéla Malkili bí gíkangku. Odok lédulo bedolong ongodé gíma:la lékoda gokkapé mélíkka. Sé:kosin goglen la:tomang . Léduar pé gonoputput ongodém lulíkto no ma:míl sé:kosin bím goglén la:mabong no lomna gípongkang. Gonoputput ongodé gokkapé gíkang bí gogdung bedolong ongodém ou kansoni maw ou kansoni maw élé kébangé ru:sudung nom lagidag émdag . Odokké bedolong ( senebettak) ongodé gílénna gído . Kébang ru:sokolo gílangkul gonoputput ongodé bí goglénla:to émna me:yumsula yirra yirra akiyé bétkang . Odokké Malkili ongodé goglénla:ma:la anyisula yakané ke:dé amo:do pídbutsukang. Odok lédulo jommang ongodé gonoputput ongodok me:yumsula yirnamdém ka:la gérgong gérgo:la paksongém songkang . Édémpila silo mélok longé so:sin gonoputput ongodé aki: yé béttakang odokké Malkili ongodé ke:dé ara:bo putbutsula dungkang .
***__
