Mising Agom Adnam(3)
Khogen Pe:gu
(Po:péké adnamdok lédídokké)
Su:pag Mising adbíglok pogodém anupé itentungku. Po:pé Panini:ké pogoddémpé Mising abíg kídí:dém poridungngai. Su édém mége:la Ingraji: abíg pogod kokki poridungku. Émdom Mising bíglungém anupé langkunam pogod dokki kapé atpa:yén odokké kapé popa:yén édém ru:sukílai.
Mising adbíglok anupé langkunam pogod
2019 dítagdo Majuli: Noya Bojardo Mising Agom Kéba:dok 22né mirum kébangém bangka. Odok milíg kéba:do Mising abíglok pogod léga:pé ru:sutenkunam agerko gerka. Odo kéba:do Panini:k pogoddém mége:la Ingraji: pogod kokki Mising abíg kídí:dém poridopé ru:sékto. Émdom édé anu pogod dokki Mising bíglungém kéígbo adla léngkanbitung.
A B D E G H I J K L M N O P R S T U W Y NG(Ngo) NY(Nyo) É Í :(Mugyar agod)=25
Sémbulum Ingraji: abíg pokamí:pé poripa:yé. Ajji:n ko:ka:ngé popdopé Mising níglungém sémpé atkanbitung.
A B D E G
H I J K L
M N O P R
S T U W Y
NG(Ngo) NY(Nyo)
É Í :(Mugyar agod)=25
Mising abíglok gomugém la: mukténgém polusul pojo:dag lédípé sémpé popansul porila:yé—
(i)Gomug(Vowel)
A E I O U É Í :(দীৰ্ঘস্বৰ চিহ্ন)=8 টা
(ii) Mukténg(Consonant)
B D G H J K L M N P R S T W Y NG(Ngo) NY(Nyo)=17
Gomugé ba:nyiko. Ako Mugdéngé, akondé Mugyaré.
(a)Mugdéng(Short vowel)
A E I O U É Í=
Luunpénamé, mugdéng abïg akolokké mugyar abíg akosin du:té:míndag. Émdom mugdé: lédulo mugyar agod(:)ko atté:lígmíloi Mising agomnok mugyar abíg kídí:dém pa:yé. Atkanmílo—
(b) Mugyar(দীৰ্ঘস্বৰ)—
A+:=A:
E+:=E:
I+:=I:
O+:=O:
U+:=U:
É+:=É:
Í+:=Í:
Sémpé lukumsul lumílo mugdéng abígé kínítko odokké mugyar abígésin kínítko. Édénulu—
A A: E E: I I: O O: U U: É É: Í Í: =14
Mising agomlo odogbuluk lubéngé sémpé iyé—
A-dé Apin gompirdo dungkampé bé:yé.
A:-dé A:m-do dungkampé bé:yé.
E-dé Enge-do dungkampé
E:-dé E:né-do dungkampé
I-dé Inam-do dungkampé
I:-dé I:nam-do dungkampé
O-dé Onamdo dungkampé
O:-dé O:namdo dungkampé
U-dé Unamdo dungkampé
U:-dé U:namdo dungkampé
É-dé Ésang-do dungkampé
É:-dé É:sang-do dungkampé
Í-dé Ísíng-do dungkampé
Í:-dé Í:ng-do dungkampé bé:yé.
Gompirém pirsardouém abíg kílí:dém Ingraji: abíg lukampé lupénammé. Léngkanmílo—
MIGOM=Pirsar=Em+Ai+Ji+O+Em=Lubéng=Migom
APIN=Pirsar=E:+Pi+Ai+En=Lubéng=Apin
PURANG=Pirsar=Pi+Iyu+Ar+E:+En+Ji=Lubéng=Purang
A:YÉ=Pirsar=E:+:+Uai+É=Lubéng=A:yé
ÍSÍNG=Pirsar=Í+Es+Í+En+Ji=Lubéng=Ísíng sémpébulu lupénammé.
Poridagdo Ingraji: abíg kídí:démpé poridaggom po:péké lula gíkamí:démpé gomug akolokké ako akkongko lubéngé kayé. Édémí:pé addom mukténg kílí:dé gombéng kama:p iyé.
Gomug lubéngém léngkanmílo— A-dok lubéngé Apin-do dungkampé bé:yé, E-dok lubéngé Engedo dungkampébulu bé:yé.
Annyido lumílo, po:pék lukamí:démpé mukténg kílí:dé gombíg kama:yé.
Aumdo lumílo, Ng(Ngo)dé la: Ny(Nyo)dé bígnyi kané abígé. Édémpidfom bínyim mukténg bíglu:do lé:té:tag. Émdom Mising bíglungé sémpiyé—
Bíkta(Capital letter)
A B D E G
H I J K L
M N O P R
S T U W Y
NG(Ngo) NY(Nyo)
É Í :(Mugyar agod)
Bígme:(Small letter)
a b d e g
h i j k l
m n o p r
s t u w y
ng(Ngo) ny(Nyo)
é í :(Mugyar agod)
Su:pag ngolu pa:to, Mising agomno Gomug abíg 8 ko. Atkan—
A E I O U É Í :
Émdaggom Gomug abígé ba:nyiko.Ako mugdéngé, akondé mugyaré. Mugdéng lédulo mugyar agod atté:míloi mugyar abíg kídí:dém pa:dag. Atkan—
A A: E E: I I: O O: U U: É É: Í Í:
Su:pag gomug abíg 8 ko odokké ake kídí:dé mukténg abíkpé iyé.Atkan—
B D G H J
K L M N P
R S T W Y
NG(Ngo) NY(Nyo)Sémpé mukténg abíg 17 ko pa:dag. Émdom lukumsula Mising abígé 8+17=25 ko idag. +++
