Murnédé se:kon
Shubhra Jengraimukh
Rongbongbí bík atér awo Olummé iskul gíkko:madapé gorom bondodo lu:jarpé ainé daktor mala gibodung . Bas gari:do re:sa:pé émna idodo bi awo dém aglíng sa:la luto . Ngolu su:pakpéi a:yé dignam okkoji kinmang . Siyum sí:rok omma:ngé bojarlok jatérékomém si:bém dogo:la a:yé tapum dopagdag .Bas gari:do awo kumsudé gíla lu:jardo bas istesondo:pé pí:ngato. Iste:sondo pídannai Olumbí kapsangkang — Ba:bo ba:bo ——— namsungé— namsungé—-
badlí:ngé . Badgom -badyomsuné Olummé abu Rongbongbí i-riksangko gogge:la daktor kolonido:pé dugbomna gipí:to.Daktor kírí:dok sain bord kírí:dém ka:lang ka:la atér awo Olummé sobomna gidung.Édémpé gíla gíla sain bord akolo bí Mising gu:mínlok amínko ka:beksuto ——
Dr. Nandini Taid
BDS(dental surgeon (delhi)
Regd no— 1234—-A
Aso: aso:pé bi yabgo moge:sula du:né
Ko:néngdopé olummé gía:bot .Bí ka:mi ka:mi:la ka:to —— daktordé séí:nei ? Ma ! Sé:pémang .sé mipaggémpé idag. Odokké
bí ko:néngdém tatto——
ডাক্তৰ আছেনে ?
অলপ পাছত আহিব । আপুনি টিকট কৰি বহি থাকক । ko:néngdé lulatsukang
Asudauko taya:la du:dagdo .Mimé daktordé gípí:do . Odokké boríksuné ko:nédé bulum daktor tetko ara:do pé méa:líkto Rongbongbí lu:jardo aí:ké Mising tani:ko daktorpé riksula auru:pé mé:pokang . Ara:dopé bí atér awo Olummé gia:bot .
বহা । Daktordé lukang .
No Misingé ayí ? Ngo nom Mising tanyié émna sainbordok amindém kangge:la nokkolopé gia:dung. Rongbongbí luto.
Daktordé lulatsukang———-
অ ! হ ! আপুনি কি কৈছে ? মই মিচিং কি বস্তু নাজানোও নকওঁ———–
তেনেহ’লে আপোনাৰ নামৰ পাছত দেখোন মিচিং উপাধি আছে——- Rongbongbí luto .
অ ‘ ‘ ‘সেইটো——
সেইটো আমাৰ ককাদেউতাই নামৰ পাছত লিখিছিল ।সেয়েহে——-
🙏🙏🙏
