Ayang A:píd
Mm. Bhobani Taid
B.Sc 5th Semester,
Jonai Science College
(Ako)
Yummém ruwadné po:loké dumsíkdé
Nokké írga:né dumsíkdém ka:pa:dag
Punna du:né appuném ka:yémilo
Nokké koyemna yírnamdém ka:pa:dag,
Péttang pédyíng dé:padla kabyémíl
Nokké tadponé gomugdém tadpa:dag,
Ansípé sarné ésaré sarpad yémilo
Nokké asin aya:dém mé:pa:dag.
(Annyi)Yummém ruwadné po:lo mé
Yakané mukkangé yí:tíd bomkang
Punna du:né appun dé:sin
Punténg punté:do sanpakkang,
Asin kidopé nom mé:nam kídí:dé
Asin arangí:so du:pakkang.
Asinsok sarra du:né ansiné ésardé,
Silo ngok Ayang po:yubdem sarpen bomkang,
Yakané mukkangé yí:tíd kampé
Ngok kinsuman asinsém mé:dír mukkang yí:tíd bomkang.
( Aum)Sarné ésaré sartíla du:yépé
Bidné a:nébí bittíla du:yépé
Turdag takamso nom asinang otila du:yépé,
Do:nyi bí:sin lí:sang-oang tíyépé,
Appuné punna san-géyépé,
Turdag takamso nom aipé mé:namsé,
Mé:tér ka:ma:yépé…..!
(Appi)Sarné ésarpé ige:la no ngom
Lo:dém sarpad bilangku,
Péttang pédyí:pé ige:la no ngom
Lékoném dé:pad bilangku,
Ngok ronggam pésamné asin étorlo
Lí:né géné po:pírpe dé:pad bilangku.
Ngok kémoné béda:lo
No po:lo:ke loladpé ladkan bilangku.
Ngok ronggam né asin do:mírsém
Karpumpulipé ila irgamoteiku,
Mukka:pé ila no lékoda yíngotéiku.
Bidné korong pé lékoda bitpum suteiku,
Turko bélamlo nom lé:koda ríksuteiku,
Lí:sané do:nyi kísapé ige:la
Ngok kémoné mo:písém
Lékoda lolad motéiku……..!
++++++++++++++++++++++++++++
