Ayang po:yub
Mg.Bhobo Dole:
Auwa nom
Ayango:la usa:tagai
E:né sé:bompéké émna
Ésabém tonyettagai
Pédong-ésaré pa:péké émna
Ayang po:yubém po:bitagai.
Auwa,mé:pég-saglégyo
Ménggab-garablang émna mé:jo-mé:labné ludagai
Édé réngam ayang pa:do
Péttang alab labla do:mír dénggo: la:do.
Aima:n ésar sara:péké émna
Ayang bare:yem jongkaptagai
Kumrí-ko:ré isur-surpéké émna
Lé:si-lé:romna yí:potagai
Ayang binam léga:pé.
Émpige:la ?
Nom po:yatpé yadbomna yatkeleblíkto
Édílosin gílenkunan bélam kamangko
Lolad a:mané kémo béda:do:pé.
Ngok angkésokkém
Ru:ben yeru:dokki tadang-kanga:itomang.
Auwa …
Nok léga:pé éddíko ma:nying ma:tagan ?
Po:lotém ma:pínan ma:nyingko ma:tagai
Do:nyi unnépé ubopé mé:tagai
Ngo réngam léga:pé gígo:daggom
Nom ainam léga:pé anguru:pé
Ayangko dungngai
Ayang po:yupko mobitagai.
Émpige:la .. ?
Mullangémpé ngamné dogang doddom
alang maddom yogmo alang pa:la
Di:né mudmudé nom yupagbomkang
Ngok angkéso ílíngko jo:jémge:la
Turnan mimag lokké no ogéla gíkang
Turdí ajígé lo:tu:kang.
( Ru:tum Lolad Pe:gumé mé:tomna)
Turdí- বয়স,Ogé- পৰাজয় Ulné-ৰশ্মি,Ajig-ৰখা ,Ní:jém- চাপ,Lo:tung – আধাবেলা ,Lu:yi lu:sang -টুলুং ভুটুং,Gonam-ৰ্দুঘটনা ,Ngamnam-সোৱাদ ,Turdí-বয়স।Po:yad -ফুচলাই বিপতে নিয়া।
