Ayir
✍️MG KUSHAL MILI
Rokom ayirdok ka:pa:nam di:tétém kangkíto
Yuba:moma:pé oi-ni:tom mo:la duné péttangéké alí:sém tatkíto
Ngolu sé géjig-geroné mo:písokké
Ba:gampé yokpagyekupé émdaggom
Télé géjig-géron di:tébí lo:dípé du:yartíyepé
Yuba:moma:pé kabné péttangé lo:dípé kaptíla du:biyépé..
Aropé ngolu sé:kon?
Sé gené mo:píso lékkongko tani kísa:pé
Turra dunge:l O:ko bélamlo:pé gínyoksudokun.
Sé:kobí kindang ngo tadlíng si:yebong?
Lé:koném Bidla du:né A:nésém tatdung
Lé:koném di:tétok sarpadné ésarmé taddo
Ngolu lo:niongko turra dungge:l kapila
Yakan mo:pílo:pé gíyongsudokun ??
( 2)Turko bé:la:mso
Turnam bé:la:mso Ngo silo atéré
Ma:tu:ngai Ngo turnan ma:yingko
Sa:na:la gídung édé ma:nyidé
Tornné donyi kasannamémpé
Kapiné yakan mukkangé yilumdun
Ngapí-ngasodé Ngok turko Bé:la:mso
Aso asopé Ayiré gítíla gítoném
Turnan ma:nyingém ma:píng-ma:sodé
Lomgé sudung ngo Ka:pé turra duyén
Turko bélamso ngo atéré térra
