history_edu
Poetry
Mé:tom
KÉRA:PÉ NO GÍNíNDAGAI
Tuniram Médok.
Dígíné gítér gídagdo
Rokom-komsi do:nyido,
Nésin tu:nyi:lo mé:pola
Tangaré doksiri ri:dagai.
Mébo mé:tom atkodo
Do:mum do:réng rísondo,
Ji:mané mé:lod kídí:dé
Dígín tangarlo írsudagai.
Ésar bélam lamkodo
Tapí: tatsodnam ni:tomdé,
Mo:téng-té:poné mé:namdém
Kéra:pé gínín bodagai.
Mo:téng do:mír ké:ra:to
Jarsuné mukkang yi:dolo,
Mo:nu rígang po:yubdo
Mé:bo asin nge:rodagai.
Takar do:lung kekonto
Ma:nying okum-kumkodo,
Dígín muksubém yonsula
Ingga:né ni:tomko no tomdagai.
Sarsu sarmun ésardo
Pundug appun punlégdo,
Po:pír alablo labmínla
Kéra:pé no gíníndagai.
*********