Aumné do:jíg aman

Ané abu lo:pé do:jíg adnam

       

     Lo:pé

            Mg, Dongkong Panging

            Jonai, Dhemaji, Ohom

              PIN 787060

     Ngok mé:jubnam  Ba:bu

           Kumpo:danna  nolukkolo:pé ngok a:ng aséngém sé:líkpo:dung.Ngo su:paglo:pé Ru:né Pínéké aya:lok ésa:la dung. Nolusin Do:nyi Po:lok aya:lok ésa:la dung émna mé:lígdung.Ngo nolukkolo:pé kumpa:suge:la  do:jíksém atpé mé:dung.

     Ba:bu, Noluk tuptalok angkirém titpaksula ngom porainamdém édílosin mé:nyoksuma:yé. Ngo nolum mépagla okumdokké gípagnamdém mé:nyinsupo:lang émna kumpa:sudung.

Ngolum opan omma:ngé émna do:lung taniyé lure: luse:namdém tadrasula:ma:la ager atungko pa:yéji émna nolum lupa:suma:pé ngo gítér- gítér gípakto. 

   Ngo gíla gíla Rongiya dok mirémné érangkolo gírasuto. Buluk okumdo ager gerra murkongém pa:la mésí:sula métag. Nolum édílo kapé bisula:ya:kun émna mé:la dungngai. Ba:bu  nom silo ainé agomko lubisupé mé:dung.

   Ngo mirémné éra:dok dukan dok attar koya:népé ila du:dodo botténé migom ager gerné amiko attar rékapé gíangge:la ngom taukang. "No ya:me:  no okolokkén? Éddílop poritang"? Ngo lubito, Ngoluk do:lung taniyé ngolum opan- ki:panné omma:ngé, Nolu Migom agerko pa:la:donei émna lure: luse:la lula ngo ané abuém lubisuma:pé Jonai Murkongselek do:lu: dokké gípagla sé éra:so ager gerra dung. Ngo B. A pa:stung.Odo Migom tani:dé lukang:- Ya:me: nok agom lulod,ager gerlod Miloddé aipé ainéko.No aipé ainé ko:ko.Nom ngo lambéko léngkanbiyé aiyo:pé ménggabla gerbomlang émna luge:la bík lo:ri dog Application Form ko la:len ge:la ngom bige:la likang. No rouwém aipé dugyirsulang, dugnamdém dukpídmílo ngom ríksulangku. Ngo lékoda gíladyéku émna luge:la gípakkangku. 

   Ngo Migom dok lukam démpé rouwém rouwém dugyir suto. Assam Regiment Force émna dukka:mínsunam do ngo dukpítto. Migom tani:dé lékoda gíladlangkula ngom tautoku. Ngo lubito:-  Ngo dukka:mínsukodo dukpítto .. Migomdok binam  Form dém Fill up  toka odokké bím bigaptoka émna lukang. Ngo Fill up ge:la bitoku. Ngo lo:ying  lédupé Assam Regiment Force do ager pa:to émna do:jíkko pa:to. Su:pag ngo Training lo dung. Training ingabmíloi ngo nolukkolo:pé gíyéku. 

 Ba:bu no mé:díryo.Ngolum opanné émna lure:né tani:kídí:dém ngo kapé ménggabla tani:pé ika:ji léngkan-yéku. Sé agomsém Na:n mésin lubilang. 

     Sa aipé

Nok aya:nam ao

Lolad Panging

Kukrajar.