Aumné do:jíg aman

Lo:pé, 

      Mé:bomsunam ba:bu

       Mg. Ram kanto Kuli

      Do:lung -  Bogum

      Do:jig Okum - Bogum

      Mo:dum- Lokimpur (Ohom) 

      Pin - 787055 

     Mé:bomsunam ba:bu, 

             Ngok ang ase:ngém toríg sulang.  Ru:né pí:né:ké ayangki  ngo aila dung. Nolusin ru:né pí:né:ké ayangki  ésang- édu:la ai - kampo:la du:pé émna mé:dung.

         Mé:bomsunam ba:bu, gíné Do:nyi longé 04/7/2026 longkídokké ngolukké Guwahati cotton kolej lo B. A. lok 1st semistar ankangém bila supaglo:pé pe:le kosag an-nyikopé gíkabo.Gíné ankang  an-nyi  kosag dogéi 90% kopé atkítung. Odokké supaglo:pé pe:le kosag an-nyi ko du:da. Siyum-siro  ngolukké dungko Gawahati amo:so kéné:pé pédongé ola Guwahati lu:jarlo  pu:mi assé gíla po:lokopé kolejém du:tednam (বন্ধ) bitung . Ngolukké dungko okumlosin assé bidala donam- tí:nam odokké yubnam do:na:mém aiyopé dopa: -tí:pa:ma:pé yuppa- do:pa:ma:pé iédung . Odokké electricity é:sin kamapé ila  yubmém kémo kémo:pé du:pa:dung . Mobile émsin charge la:ma:la okumlo:pé manggom ajon arom lo:pésin  lupo sula:ma:pé ila aipé ngasotko a:dung. Délok légangé ba:bu, so lo:nyi longum ara:ngí:so ngo gísang kupé émna méngkídung. Ngok alakso supag murkong abarkosin kama:pé idung . Ba:bu sukké po:losok dungko okum aré démsin bipénamé. Okum ru:tumdé kono nomapé kola dung,  édémsin bigorpénamé. 

      Mé:bomsunam ba:bu, a:péné uyu longéso ngoluk do:ludok ngok ajon Migom-bí Guwahati so:pé gitogye émna tatpadung . Émpila bíg alaglo gísang kunané légangé murkong Lí:langko (দহ হেজাৰ)kopé bilíg la:bongka émna so do:jig sokki  atpadung . Odokké na:né ba:bu nonyi donam tí:namém aiyarpé dodí - tí:dí  dola: tí:langka odokké naré napé:pé du:langka émna kumpa:dung . 

          Mé:bomsunam ba:bu , odokké oiyo bíro Migangko mé:sin  ponamém mégela  olo tolo duggo:yoka émbílang. Longém iskullokké gía:langkula potiném aiyopé polangka odokké so:ué, soben, E:g porogém kangkanpé mosinggéla alé -alag sugela yumdéng aiyirlo ru:né pí:némé kumge:la 5  gontakopé  ponamém polangka émbilang. Ba:bu ngo gísang kumílo  nok líga:pé kangkano:do:pé omnam kampon mibu galukko la gonro ugonko, na:né-ké léga:pé kampon Gapa Gale ko, lí:né Ri:bi Gaséngko odokké  Migangko-ké légangé Ohom  mimosok  Gomlab penson aman pa:né tadgénam adné  Mg. Kalinath Panggíng migom-ké bílennam GOMPIR  KUMSUNG émnam aipag aré kané potinko rébombikupé . Appíng kolo:pé ai kangkanpé du:molangka émna do:nyi po:lomé kumtom lígge:la  adnamsém attér po:du:bo. sa  édébo aipai. 

                           Édébo 

             Nok ayanam  a:o

             Mg Hiteswar kuli

             Du:téng -Guwahati Beltola

            Joya nogor

             Okum- 41