Annyidé Do:jíg aman

Kolo:pé

Mé:bomsunam Olum-omé, Maini Taye ,Bed RURAL College of Education , Hujgaon Bokultal (Nagaon). Assam .   Longkí :-13/07/26

             Olum omé Maini ngok asin ayangém torígsulangka. Oluma Do:nyi-Po:lok ayang-akemarki nok na:n bí:lang ngo,  nokké bíro atér Romonké lédílo okum érang takaméi sium-síro ékéré aila ésang-anpola dung .Ngok méngkípé Ta:to-Ya:yo, gu:mín-so:yinké ayang-akemarki nok du:té:lo nosin ékéré aila ésa:la du:pé .

             Olum omé aína, nok anédé adín-ongngo oying kémíloi dodí-tí:dílo mé:pa:la omé-bí dodu:ne-doma:ne émna béyag-béyakpé asin odag . Konyum omé-nom ma:nyibo bidla du:né abungkolo así ba:la du:do:pé ka:pa:la omébí kapéba ika:ji émna mé:la sé do:jíksém adla bilíktung . Aína nok ponamé kapé idu:n , poyir abu-ané kídaré noluk Bed  Class kídídém ayir kísa:pé rodípé poyirnammém idagye-ima:ye ?  Olum omé nok dítag-tagnyiné Bed Course dok 2né semester Ankangém akoné kosaglok déngkur nammém tatpa:sula nok anédélang nok atér bíro Romon, ngolu takaméi aipé mé:pola dung .  Édé aikamídémpé a:péné sinyingké dítakso College ajon kídídok appíngémyam aiya:né mark pa:la Bed Course-dém déngkurla:dopé émna ngo nok légangé yumdí-rodípé Ru:né-Pínémé kumla dung.

             Olum aína , Ta:to-Ya:yo, gu:mín-so:yiné aya:mílo appí:déi aiyépé ; émdaggom potin ponam, donam-yubnam édé ager aumdém ayir kísa:pé yumdí-rodípé ilang . Murkong murpag pí:ramyemílo ngokkolo:pé phone call molangka , curiyar service-lok speed post manggom Gpay-lok mélíkbipé . Maini aína a:péné Ing  Oct Po:lo-dok Durga puja-do  ayiré mo:lenyemílo okumpé gílangku, dodí-yubdímíloi omé nom asin odag émna nok anésé lang bírosé nok do:yingongém kíla kabsu-ri:mul du:dag . 

             Olum omé aína , édé appídok lédu:pé  luyirko lupé mé:dung sémpé sium-síro ayir- adí aimang ,  aima:né ajon jonla tolo-bolopé gígo:la dagma:pé ; pa:dag émna donam-tí:namém lambé-pédu:lo dotér-dotér doma:péka, ramnam-kinam a:péké . Odokké aín omma, tattoka- sium-síro ménggésunam ajon-arumíngé sé:kai nok ainamém kéík-kéíkpé dígla nom po:yatpé  yadbomla moyud-líkpéké édém lo:dém kin-sul du:lang . Aídé aimílo mo:píso appíngé  aiyé , Olum aínnok asin mé:namém ila:moteika , lédulangkupé Mising opínsok botténé tanipé imoteika élang takam taye opeyém Do:nyikémpé í:rga:boyepé émna nok léga:pé lékoda Do:nyi-Po:lom kumlígge:la siloképé ngok do:jígém attérto . Édébong omma .                              

                                     SA AIPÉ .

                               Nokké Turdaksém

                               Kumpénam Abu

                               Mg Biju Kr Taye

                               Kangkan Nogor

                               PO + PS :- Jonai

                               CO-Dist :- Jonai

                                PIN :-787060

                                     (Assam).