history_edu
Poetry
Mé:tom
No:Ãng Ngok Ma:nying Ajoné
Priti Pa:dun , Dhemaji
Ro:wé ayirdok no do:nyik do:réngé
Ngok kémon asinsok po:lok loladé
No:ma:mÃlo turnamséi
Ongkagné abungé
No kéra:pé daga:mÃlo
Asi tékampé tésa:dag asinso ayangé
Nok bérsango:la koyemla yÃrnamdé
Asiném simad-madmo:dag
Lékoném yumdéng ayirdo rÃksutopén
Do:nyi oa:dé éddÃko kangkandagji
Ka:jonsula:pé
Ribi-ribipé sarné ésardo
Nok alagdo ngok alagé
Nok amigdo ngok ma:nyÃngé
Ngok asinso nok aminé
Ngok ayangé nok léga:pé
ÉdÃlai mo:mÃlo kéra:pé dungge:la
Tautopén ngok asinsém
Nom éddÃko asinang odagji
Nom éddÃko aipé mé:dagji.