Do:déng

======

              Sémmíngéi ludakpé tupté émna . Taniyé awo ommangém anné abbo asin odo .Awo ommésin ané abbom asin odo . Édémíng Mina késin awo ako omé anyiko . Ako do:ludo amilo gídag ako taon olo gídag édémpila minabí:sin asin oyémíloi omé ukum do:pé gíla ka:dag .Do:lu dokkédém lo:déméi kabegdag .

   Ã‰démpila Mina bí méngkang yampo oméké ukumolo:pé gíté:la ngo daktor ko kangko supo:yé . Amdangémsin lengab tagbo . Yuméko du: daggomsin du:layé émna asindé mé:to Odokké omémé okoko bombila gíyen émna mé:la mé:beksuto sí:lung ologei okang gurban nékung yo:ríd kobulu i bombipé émna mé:la bík dolu:dog kédan né:dém goksula gí:la yoing abako nakumto .;

 Odokké longkondo Mina bí taonolok omé ukumdop gíto .

           Omé Mamuni:ké lottado:pé gípí:dodo omé magbo Mintu bí luto élé élé gídobong . Mamuni bí tatto sék gídon . Mintu bí luto nok dopa:mané anédé:na .Airupé ainé murkong ko jo:líg tagnémpe' . Bík anédém milbo:dok lunamdém tadla Mamunibí amigdok miksém titpaksuge:la na:na so tetpo:to émna luto . Odo Mamuniké milbo:dé goddres dok anu galukko la:lenla gége:la ayo démsin tadma:pe' ésar yukampé yu:lenla gílenka . 

Édém ka:la anedé omé dém luto .Omma mé:díré ngo dokolo gímang asinang nom ola:pak gídung . odokké ngo ajjo:ko mola ma:némpé ila Daktorko ka:supé émna miné gídu:né . Odo mamoni bí luto . Atísinmang na:na . bí bík suwapé du:yépén ngulu nguluk suwa:pé duyé:na Ma émdaggom ngo nolukkoso dungge:mang . Kindan omma nok sa:sétu apong tídagéi bo:na nok mamosin tí:sadung .Mé:dír mé:songé gíté:so:sin omé magbodé:sin tíyemíl ngo kapé mé:poyén . Omma ngo nokkoso:sin dungge:mang Ngo pisiri baiké 

 ukumolo siyum du:pé . Émpéi bí goktíla dung . 

          Mang na:na Mamuni:ké lungab ma:da:pé Minabí luto silo magbodokké opis kamang tí:la gígekula ngom ukumsokké uryi:líkku péké . 

  Odo Mamuni:bí lu:to sa émpémílo na:na adjo:ko apin dopo:to . Mamunike' dopo dongano pe' ombe kokki' ke'binam adin oyi:dém doge:la Mina bí pisiri:k ukumdopé

 bombinam sí:lung oyi dog ayetko bombila gíto .Pisiribí kangge:la airu:pé mé:pokang . Odokké yuméyumbu:do buluk annyidé po:péké mímbírdok do:yig kíla kíla kapeméi yumngag-sutoji kinsoi tokumang . Kapéi mé:poma:yen Mina bí:la pisiri ké abu abu dé bírokumso .Ukum akkodo sí:sajon-sunamé. Édémpila Pisiri bí bírmédém asin ola bík ke'radok ko:dop Mamuni:me'' labitagakui . Sémpéje apo tí:yekupé émna mé:mala .

    Odokké píang píla sa ta tí:mapé Daktor ka:suye émna pisiri:mé lupa-suge:la bík omé Mamuni:ké ukumdop gípadla lupa:suge:la Mina bí Daktor ukum dopo:pé gíto  

. Odokké kasuge:la do:lung ukumpé gítoku .Mé:dír mé:so:la gíge:kula ukum lottadop gípíng-kunamé awodé ukumdo apo tínge:la né:milbodé ge:mínsula dung .Mina bí tungé:do aso:pe barsang ge:kula kunta do kérasuge:la aí aíwé lusuto sémmíngéi tupté émdan ?

Demow Sibsagar