history_edu
Poetry
Mé:tom
GENE MÉ:DÍR
Ru:yum Kondar
Dé ma:nyingkídí:dé,
Amig pirnyiso mésí:l ménam,
Édé ma:nyíng kídí:dé
kinpíma:nam kigépé ila so:mandung,
Silo ngok a:píg ara:bo.
Ayir ésaré mikyablo sarpenla gíkang,
Mé:bol da:nam kumdangém,
Dunggékang asin rongki:né jéi jémangé.
Anjalla gené yí:lé ara:lo:sin,
Jéyid-po:pidé ngok asiné.
Mo:pí mo:juboné pédongké
Do:lang asilo bidmínkang
Ngok turdí gejíg-geroé.
Émdaggom, turra dung ngo
Angké:so a:né néta mé:dír tébégém jo:la,
Ma:yudnam ma:nyingém gombomsula.
Ngatursula dung ngakí ngakíla,
Mumné domír kéyíkso
Yunugnam amírém géla
Ka:la dung ségri:p ka:nékísa.
Émdaggom, turra dung ngo.
Mé:bo bi:né édé gené manyingkídí:dé,
San-yunné jéi-jéngamné a:písoda dinga:yékun?
Mé:pí:ma:nam jei-jéngam ra:da:lo
Ngo yogdo roda rodapé.