history_edu
Poetry
Mé:tom
*Asinso lékoda po:píré berma:yé*
✍️Mg. Mé:pul
Sé:kai gíyangge:la Do:nyikémpé
Ma:nying amli:ko lí:dopé pitlíkto
Mé:nam abu:dok kéréng-kéré:lo
Appunpé punnela
Ayang alangko angké:so pílíkto.
Ngok asinso yaloko dung
Ayang gí:tu:do tedgela
Do:yingko adla dung
Édé do:yidok adrobdé írga:dak
Émdaggom, attérdé?
Do:nyingkémpé lí:dopé
Iyyém pílígla turgod oa:do
Oa:yépé ayangé,
Asin méngkíé.
Éddíngeisong...
Édé do:yidok attérdé!
Odo,
Édé yalodé jé:la kapyépé
Mé:nam abu:do silungé
Bottaru:pé lu:yépé
Ayang pígodo raggo bana:la
Ngonyik aya:dém banyudbomyépé.
Angké:sé sana:la sulli:pé ipakyé
Kamponé sulli:do monga:dopé
Sítoru:puné punyé
Édé appundok ala:dé jémma:yé
Asinso lékoda
Po:píré berma:yé.