Do:míg

       Tamar do:lulok Takkír ta:toké si:rumé 73 dítag-ko ika:bong, émpigel bí rokom 4 ko:jedo:bo aríglo:pé gídag. Kapéné émyemílo bí ludag, “ayiréi toya:mang, ngo se:kom toya:yen?”

       Ajuka:pé pu:mu asidé punga:la bík a:m arígém bojéya:pé moyutto. Émpila appíng do:lung taniyéi bím ludag, mépaktobong ta:to, su:pag nékké aríg modí ayiré kama:bong.

      Ta:tobí okkomsin luma:pé yirkang. Longkondém lékoda rokompé pakurdém gordun jo:bomla aríkpé gíkang. Assé dopagnam arígdém lékoda lesedlíktoku.

     Ngo tatto, ta:to lékoda nok arígém pu:yudmílo? 

Bí among sudgabla lukang, ngo a:mém lemang, ngo mé:tiném ledo. Léko manggom lén-yiko, amongé ngom édílo:sin ímursumomang.

    Po:lo píum lédulo édé arígdok a:mé minka:bong. Lí:yom lí:yomné a:mé ésar sarrígla mittub tu:yingka:bong. Ta:tobí aríg po:yubdo tedge:la ngilkang. Odo ngilnamdo mé:díré kamang, odo dungngai mé:po.

      Su: do:lung taniyé ludag Takkír ta:toké ngilnamém ka:begmíloi kinna:bong, rígnéké mola:manammé kamang. Bulu sigél gídaggom amo:lo lékoda tursa:dakku.