Haren kaptak
ATÉR OMÉKOLO:PÉ GENÉ DO:JÍG-KO
Lo:pé,
Mm. Atér omé
Karyum.
Du:téng-
Longkí- 10-07-026
*Atér Omé,*
Ayang do:jígém toríksulangka.
Do:jíg jígrobo:ma:da:pé ying émpé asinbo mé:pa: ma:nyingko rongki: ro:yidla ésarpé sarpatkang. Lakke:so paunten kebgabla, nom mé:pa:la do:jíg-ko jíkpé idolo lakke: sogab sogabla yumdéng ayirdo ukum tunggé:do jíkta-jígmala nok abíg jígyirsunam, Pébe: péttangémpé ko:ka: poman-momankídí:dé, ke:ta-ke:ma:la dakor koryirsula Potin kebbomna pogo gínam adíkídí:dé silo gené do:jíg kísa:pé abíkpé buglendung. Atér Omé, tagum dítag onan longé lutomla nok alakki lenam ísíng míumdé otsur surla, gesi-geyomla koyem-kosemla nok dumsíg yalo ka:lí:la su:paksin taudak...! Okko émna lubiyén? Luladnané gompiré kamang! Korta-kormala dakor koryirsudolok génam, nok léyugdé su:paksin todí:la ka:la dong ko:bang kémígdo. so:mannané moimangkídí:dé mikki mikkila ka:la dung, no gía:yékuji émna, agin adípé yumdí ro:dípé Pusi:bí:sin taudag, no okola:n émna! Kamang! Kamang! Okkosin kamang! Lulatsunan gompiré kamang! Silo no kama:la gínmur ésaré kabaném bandung, Pédong bírduglo do:mírtélé miksé dídung, Appun aglé:lo tedboloksun tangarbí dígín yumbu:lo síkír jinna: jinna: lo:lo miksi díla kabdung! nok ba:bo silo tolomang bolomang, donam-tí:nam mé:pamang. Atér omma, no gíkugom, gílangku longékoném! émpige:la ba:buké dumsígé along-asígé, dorrong ya:yangé sokkab karabé! Omma simango:dosoi lékkongkoi gílangku dei! kangge:lai mé:pol sipé!
Atér omé, attér atsupso agom apirko-- Siyum sí:rok ayiré paníg pakor bélamé! Aíkémpé mosuge:la kémíkpé ro:namé, turla du:namséi asi durnamé, kapiné yékéng-lo kapé turpénamméji édém ansu-ka:sula du:la: daglang, émma:mílo mo:pí:sok lenpongarné dainosors dé: lang taksídok do:yi:démpé longékoném dainosors ké ope: írangé kapé yokpakka:ji édémí:pé yogpagyé ngolu!
*Sa édébong*
Nok ba:bu
Mg. Horen Koptak.
Du:téng-..........
