history_edu
Poetry
Mé:tom
DO:LUNGKO YOKKANG
Tuniram Médok
Mélo:pé rokom komsilo:bo
Do:nyimure ri:yidla,
Yirmanla du:né do:lungko
Yummo:lo yokkang.
Asin mimang tÃlÃgla
Sigo turgolo du:tÃnsunané
AÃké mé:bomsunam okumdém,
Pu:mué migyablo pu:bomnamém
Lékkongko migbérlo bérbegdung.
UgÃngém bukitsula molennam
Dogang biremné kumsungé,
DÃrjepko taye:do
Migyablo kamagé po:lumdung.
TurlÃ:namlok mo:té:pé
Je:tag kutagnamém tadla,
Ngatursukoko mala bulusin
LÃ:po:lokpé ménmÃnla gÃtÃdung.
Tayengté jemjemainé pédongé
KéÃgbé totédma:pé asié tésa:tÃdung,
Génam-bomnamém la:lenla:toma
Donam-tÃ:nam okkosin kama-
Tolo: bolo:pé bérgo:la:sin
Pira-ga:ra sukoko kamang.
Sido supak okum kumsungé
Akosin daktu:namém kabegma,
Do:lung pongkogdok lambédo
A:némpé biddung asié-
Kekon kesakpé ka:pÃ:ma:nan
Muksub-muglubné dungkéngé.
Supak sidé édéo:ng dung
Golu:lok rongngam-pésamné yuméko,
Tadbegdung sido supag
Sinamlok asin ro:yugné kabanko.
Édéo: supak sidé dung
DÃgÃn diyu kinma:pé
Mépo mé:dÃrém lo:dÃsém kanggabné
MÃji:né Singgi:dé tettu:la dung.
Élé mo:té:ngé:lé se:kobulun
TurlÃ:dag ngolusin sorÃksupoi,
Jemad jematpé buluk je:namdé
Asi siyuglo yoga:dung.
************