history_edu
Poetry
Mé:tom
"Édémarpéi ikangkun".............?
✍️Boluram mili (Jonai Gali)
Nowé mé:dak émna:mín
Ngo:sín aipé mé:tungaí
Nowé mé:dak émna:mín
mé:tísula dungaí ngo.
Sékké agom pa:langkul
ngommé mitpan dungkun .
Síddík aípé mé:mogel
mé:mang émna dungkun no.
Édémarpeí ikangkun....?
kangkín ma:némpé dungkangkun.
Síddík ayang bige:la
kapé mitpan sudungkun.
Nommé aípé mé:namsém
kapé mitpan su:yeékun.
Ngokké mé:dír sagísém
kapé atér gíyékun .
Mé:la-méngap lama:bo
Kíla-kíngap la:mabo
Nommé pa:yép émnamdém
ma:nyíbo:sin mama:bo.
Édémarpeí ikangkun....?
Lugé géla dungkangkun .
Asin kila mé:namsém
Édémarpéí mítpanton.
Édemarpeí ikangkun....?
amik kérado dungkangkun.
Kapé mé:yok sula:dun
ngokké kerat Du:namdem.
Kapé mé:yok sula:dun
Ngokké ayang Kídíí: dém
Kapé mé:yok sula:dun
Turnam do:yíng kinamdém.
Kapé mé:nyog suyékun
Nokké binam aya:dém .
Kapé mitpan suyékun
Aína nokké amíndém .
Édémarpéí ikangkun....?
so:bo asin gékangkun .
Amiképe gíge:la
Aidun émna taddungkun.
Édémarpéí ikangkun.......................?