history_edu
Poetry
Mé:tom
Sinam-turnam rísu
✍️Mm Kolpona Pe:gu
Dhemaji
-------------------------------
Méramdok ímí métungko
Dorrí-dorpa:ma:pé
Dorra du:dodom
Kinsula dung mé:dír sagíko
Sagído pung-go:la dung
Amírsok alongé
Jéi - jéngadné gené mo:píso
Ago - golu:do iki: ga:namko ka:bekto
Odo yumédo takar kídí:dé
Po:lomé mala
Kabla du:dom
Angké:so kinsukang miksi abungko
Ma:nyingém ukpagla
Mé:bo takarém pímidla
I: kaman adinsém
Okum koktogdo jo:tokto
Yo:-yora:dok édé ayirdo
Ménka:mínsul dung
Turnamsé sinamké lédulo.