history_edu
Poetry
Mé:tom
AÍ SUANAM
©JITEN NORO
Aí suanam !
Nom mala
Motumnam du:rilok béme: béme:lo
Luunné do:nyiké i:lí:lubné iyirsunamé.
AÍ suanam !
Nom mala
Lu:jarlok lékor korko lamtédo
Kéno: nobadné tani: ope:lok
Yubmi a:ma:né yummé.
AÍ suanam !
Nom mala
Língu: logné asilo sí:yi:la
Sé:na tomsarla dung opín lé:tomém .
AÍ suanam !
Nom mala
Kolgor kolgorlo gasum-sumtém bomla daglubla dung
Longé gerré réyamé.
AÍ suanam !
Nom mala
Pésoné tani:kídídé attar konam mosí:la
Dura:l dungku okum bare ara:lo.
AÍ suanam !
AÍ suanam !
No okolo du:n ?
No du:néi mé:jíng miga:lok lupo lujarpé ila
Niws senellok tok sowlo?
No du:néi rajnitik-dalalok mimag sérangpé ila
Oud ginggi:né mité kumda:lok eyar kondison soyarlo ?
No du:néi anpo:pé kupkomnam paillo dura:la
Osibaloi sotumlo ?
AÍ suanam !
Nom mala
Lékoda otemdungku "Che Guevarabí"
AÍ suanam !
Nom mala
Motumnam du:rilok béme: béme:lo
Luunné do:nyiké i: lí:lubné iyirsunamé.