history_edu
Poetry
Mé:tom
*Aiya:ya:nei !*
Do:nyi appun, Jonai
Nom ríksuma:ya:mílo aiya:ya:nei
Nom kangkinma:ya:mílo
Turnamsé turpoya:ya:nei!
Siloson nok agomkídí:dé asinsém
Ílíngkokki tubdagnémpé kimodang
Siloson nom mé:pa:la
Miksisé pédong kísa:pé oleddang
Okolan nok po:péké
Ngom moyumnané tori:dé
Okolan nok po:péké
Ngok miksi ka:la:ma:né asindé
Yumdéng do:nyido oa:mínka:nei
Yumrang amíngé ma:tidbomka:nei
Donggum-ésaré saryudlíktonei
Pu:mu assé pu:yudlíktonei
Nom ríksuma:namdé aiya:ya:nei
Nom kangkinma:mílo
Ngo mé:pola turra:ya:nei