Do:déng

       Migom ager gerné midum ako,Rokom ayirdokké yumdéng ayirdo:pé sampég ako alagdo bomna lamté:lo naré:pé mopunam agerém gerdo.Sampég dé bíkké turnan lamtélok métinsunané.Midumdé lamtélok kekon kesaglok atí atí attrang benné akuné gain,sanné ékkam pétpoula naré:dém aipé médag.

   Longé koném bík ainé  gernam migom ager gerné tani ako aipé agerdém ka:lígsuto.Odo bí édé murkong barnyingko bito.Sampég pénné míjí:dé bím kangkin mangngai.Bí taudungngai no okolokkén okol du:don? Odo bí lukang ngo télé taléng okumto ngo migom ager gerra du:do.Ngom Borua émmíloi appíngéi kindo.

   Ã‰démpéi, longé, po:lo gíbadkang.Lékoda édé lamté agerém gerné midumdé édé migom ager gerné tani:dok dugné gari:dém sali dola sutkad bito.Édé sampég pénné tani:dé bíkké dumér dékki titpubito.Odo migom ager gerné tani:dé abko murkong bilíngkang.Bí odo murkong líyingko bito.

      Migom ager gerné midumdé ainé ager tarungém gerneko.Lodupé kindungakui bí sromik ager gerné tani:lok kébang abuko.Bí édé sampég pénné míjí:dém aipé aipé ayangko bilíngkang.Bí gíla gídodém ígémpé agom appírko mé:pangkang.Édé míjíng tani: dém édé a:péné 1me longkí do bímsin minompé gogyé émna asindo mé:to.

     Dokké,édé 1me longkí:do bímsin kébang karé talé:top gogsang ge:la kangkin subodo.Bíkké amindém  Voirob Munda émtagai. Odo  bím kébang abu boruha sarké alakki bím amaném bika.Édé amandé bidagdo bík asin mé:pola bím létígdo kumadung.Ka:né taka:m réngamé appíngéi aipé yapa bilíko.Munda míjí:dé aimgdokké mé:po miksé lendungai.Munda bí ídílosin sémpin kéba:lo dumér -érkog,sendel jurko, génam galup, dokké murkong asudko lang tamkan aborko pakkímangngai.Ainé agerrok ainé ti:yumné apí:aiyém dopa: do.Bíkké turténg lamtélok lo:dém do:nyi-podéng losula gernam agerdé bíkképé mé:podag.

      Dokké,Boruha migomké bíkké turnan lamtélok ríksunam midum Munda mé ro:yampo:pé dungkang do:pín aminko.Sidé lamtélok ríksunam Munda mé bíkké asin ayang tolígnamsém bí:sin mitpan ma:yé.Édé réngam ainé ager lékorém gerjubla gerné tani: dé bíkké asin ang apugbé anu lamté gíyarnam gíng-gíl    

írga:nam asé:líknam gasumko pa to.