Do:jíg

"Aínow ,Kangkan aiyopé mènggabla potoka. Élé nokké ba:bubí supag kuyab jo:bomla gía:dungkubo. Kangkíto longé lo:bungém do:nyi podong rasula aríg ígela migmo yaka yakala gía:dungku.  Bí sékké légangé éddíko ager gerdun, nok légangé,  nokké ponam légangé:pak. Supag no polí:ma émna tadbegmílo bí éddíko  asin mé:díryen." Ta:to Polak Pa:idbí otén-aodém luyirto.

"Ménggabla tatto,  rokompé darabdanlai nok ba:bubí soí ha:ldém go:bomla nangol gurdo, odok lédulo amdang ali tagyindo,   kotiyang budo ,édíloi nok yo:mé amdangémsin ledumsudo. Do:nyi podong ka:mapé sékké légangé éddíko ager gerdun? Noluk ainam légangé, ngolu leke taniémpé arígo:lo durbutsula yema:pé aiyopé pogela bottané migangpé badla: aila mé:pola yeyepé émna appíng ané-abué mé:do. Émpila nom bukadém sutkí:momang, atíkosin imomang. Nolu aila gika:langka émna appíngém nolum bipaksudo. No ménggabla pomí:lo:pak ainé migangpé badla:ye. Asin yugedopé, amme kangkuma:yepé émna silíg siya:la 

ager gerdung noluk légangé,édém méngkenla ménggabla aiyopé pomílo:pak no yampo-ro: aila gíyepé . Poto:gom aimaye, no yampo ager ako gerkílang. "

"Okkom ?" otén ao tadlatsuto.

"Yampo nok ba:buké gernam ager kídí:dém gerkílang, éddíko kostodagji, odo:pak kinyepé ngoluké turra du:nané lambé éddíko ngasod kadoji ."

" Aiye ta:to, ngo kindag aríg inamdé éddíko ngasod kadoji. Ngo longko ba:buké lédulo aríg imínka , Ngokké ngago:sunam ka:la ba:bubí aríg gímotokuma." Kankanbí lubisuto.

" No topí:du:bong agomkídídém, Ngoluké turnamsé émmummang aína, ainé tani:pé batto émdu:néna mé:dagné." 

 

Ambari.