Do:déng

                                                                 MIGUM ARA:DO ADÍ DÍNGOKO                                                                          -Manuj Kr Mili                        1999-2005 dítagdok do:ying do:moko . Édé adído takam Mising régam ara:lo akko:ko Mising agomlok lutadé lenna dungai . Édé lutadé appíngké mé:bomsunam  Anu Agom  lutadé . Jorhat lokké lenné Anu Agom lutadok ngo gerguné nébíngai . Ngom a:ng píta dopé odumsudagai  abí:né nébíng  ako . Mising agom gomlabém asin oné Donbosko-lok kin-go ru:tum abu ako murko: pidla lutaddém po:lo po:lodo tubjedla la:lenbidungai . Bí  mé:dagai , Mising agomém Mising taniyé lusuto,atsuto,Mising agom gomlabé pu:po jarpomoto odokké Mising réngamém  mo:pí:so turyarra du:moto émna . Rélékpé dítag kíníko Anu Agomé Mising do:lu: do:lu:do ané agomki lutadém lupa:dungai . Do:lu:lo lutad makumné ajoném tolíktungai . Bulu do:lung régamlok ainé aimang lutad do:yingém tíkumdungai . Mising agom gomlab léga:pé do:déng,do:ying ,mé:tom, gomsar, do:tur appíngém  labjar bodungai .                      2005 dítagdok Ju:n po:lodok lenné lutado ngolukké  ajjouné imurko lénkang . Ríkkong Majuli mo:légdok ko:néng akolok amin mintégla  lutatko lénkang . Majuli lutad biné ajon koném do:lu:dok ngasodé émna lutadém mélíktagai . Ngolusin ka:mi:tomang .   Lutadé lennam lédupéi  sí:sang ope:ko réngam kébang ager ajon lusula lutaddok  lenné do:nyi:dé aromang odokké bulum ayi:sumodung  émna  Majuli kasari:do ajéng anto .                           Ngolu ru:sula ngasoddém momidlai émna  buluk okumlo gíla ru:suka . Ngolukké  ajjauko imurko dungkang  émna togésula ,mé:nyinsutéi émnasin luka . Émpige:la luurné  begma:né ope:dé  lamkupé dungge:la ,pipíng-ga:píng la:ma:dopé  alíg arédém abako  makang . Buluk manamdé ngolu kapésiné bila:pé émna  mé:sutomang .                           Po:lo po:lodo ajéng annam longkíngém  bila Majuli kasari:do gíkansupa:dag . Émpige:la ngonnyi annyipag migom agerém gerdagai . Bí Homiopetik kolejdok poyirné odokké ngo Jorhat Sorkari iskuldok poyirné .Ajéng longkí lenmíloi  iskul kolej ru:tumdém  gímo:mang émna lupa:sula  do:jígém bidungai .  Ajéng léga:pé Majuli  kasari:pé gído émna ngoluk Migom ru:tumém kimmomangai . Longékolo ajéng longkí:dém aiyo:pé kinpí:ma:la  kasari:dok peskardém tatpé émna phunko moto .  Phundém peskardé pa:tomang . Phundém sogapto ru:tum Hakimdé . Édé adído appíngké alaglo mobail phun kamangai. So:sin sonam phunkokking   luposudungai .  Longkondo  Kasari:do gíkansula amin atsunam lédudo Hakimdé ngoyim phun  monam léga:pé ge:to . Kasari Hakimém phun mola lunamdé lumuré émna ngoyim édé longédo migum ara:do tumna adí díngokopé méto .                             Migum ara:do longé lo:tungko dagdíla dagnané alé kikang  odokké ígíngé dírsodyenémpé ikan . Édémyang  kiyangkang asinsé . Aíké opín léga:pé,  ané agom-gomlab