history_edu
Poetry
Mé:tom
YOGNÉ DU:TÉNG
Mg:Hiteswar Kuli
Obonori, Bogum
So:Ãng do:lungko du:ngai
Jiri jiripé ayang abungko biddungai
Mélo - konnongo ka:tungai
Tun-né miné mijing kÃdÃngéi
Amig amigki asin do:ying kÃdu:ngai
Nappang nappangki mo:pÃsok agom ludungai
Ripi riminé ommang kÃdÃngaé leke do:ying taddungai
AmÃrlo du:né yaméngé méyap yapsu:la taddmÃndagai
Lottadok do:né ki:par dokki konéngé amÃr-adin moyin sudungai
KÃtÃgdok omong gé:né e:g désin kénoyem kabdungai
Koktu porog kokdodo urrobné rokpoko dungai
KÃjÃr po:lolo amdang arÃgdo oi:nitom gompodé je:dungai
Okum kerado gémyarné kumsungé dungai
Ri:sing koktokpé guye, pan, oying-oge donggum gumdungai
Do:lung pongkodok dÃrbi okumdo Ã:r pongkÃr dungai
Édé do:ludém -
Pu:mu atssé pu:yudnamém tadlai
Tatko- kangkolo gÃtungai
Buluké appÃng yogamém tadlai
A:tokumang kéno-tÃ:lÃngé yubmi-domiéi
So:Ãng do:lungko du:ngai.
(Lukéng - pu:mu atssé bidyudnam do:lung kÃdÃ:dém mé:pala)