MÉ:YIN SULAMANG
MÉ:TÉR SULAMANG
Mg. Hiteswar kuli
Mé:yin sulamang
Mé:tér sulamang
Kapé mé:yin suyén?
Kapé mé:tér suyen??
Supaggong sido dungai
Opín ainam légangé
Mé:dír do:yingko kíla
Migyablo yokpakkang
Édém—
Mé:yin sulamang
Mé:tér sulamang.
Mimag abuké-
Kampon gasordém
Gégel yubla gígodagdo
Yerungém takkapsugédopé
Do:míré mírangkang
Amigé migjem gédopé
Yarié yarangkang
Bérsala ka:to:ném
Mo:píso yakan mukkangé yilupkang
Bagampé–
Otér kamapé mé:dír pé:dongé otíkang
Édém ngo–
Mé:yin sulamang
Mé:tér sulamang.
,
