Silo mélo po:ré bojédun
Jharna jili Doley
Jonai
Silo mélo simín asin géné taniyé abadung
Nok mé:pom ka:yodné po:ré bojédung
Bulu amik mé:po turgodém rotdung
Lambé pédu:lo dakkom dakromla aima:pé lugedung
No kapé kinsuyén bulu sékon ?
Bulu nok kérang kétagpé du:né ajoné
Lo:dísém ti:né ngamné agomém lujoné
Nok doko arémdo domínné
nok yumko asupdo yummínné
Émpigel.. longéko sumyo simín kisa:p nom rékla dopagyé
Bulu yakan asin génné bulu kampon nappang kanné
Nok mé:pom rodgel bulu mépol yírné
Bulu aíko arrém abar barnyilok kopagsunné
Bí mé:sudag sé mo:písé bíggongké
Bí mé:sudag sé mé:poso bíggongké
Édé símín asin géné aima:n tani:dém
Ngolu kangkinpa:yé
Buluk lékor korrodém kangab pa:yé
Bík imur gímurém, aro agomki lusarpa:yé
Rínji mangampé mané bík alagém ngoluk lottaloké yapusupayé
Sé aré kané ru:néké binam turgodsém mé:pol turpa:yé
