Du:yé Toya:la Nom
( Bhaba jyoti pegu )
saru bauli , Dhemaji
=×==×==×==×==×==×=
Yummé yora:do kémmo jí:jí:do
Réngad-réngadla pakkomké kapkampé
Íkíd-íkídla, Sagí-sagíla kabmíndung asiné
Asinsok ngarob-ngarobdoi anpa:dung
Nom asinang ola mé:panamko
Ngonyik lékopé bignam gejigné moimangém
Gíbídné adílok mé:po kídí:dém
Su:pak mé:dír muksubé yí:titdung
Kabnam-yirnam lékola no ayangkanna
Ngok asin lottalo édílo gíangkaji
Ísíng otsur annémpé gejígla nginsangkang
Asin aipé mé:namko
Lé:si-lé:sila, atér-atérpé
Attungai mé:bo mé:tomém
Alap-lapla dénggo:to mé:pola
Gené asin do:mírto
Aso-aso:pé ayiré gítíla gíkang
Édémí:pé no:sin aso-aso:pé
Pasodnam ríbípé ngom atérém mé:ge:la
Ngok kéralokké gíyodbomkang mo:téru:pé
Lula-lutumlamapé kabla-kaptumla:mapé
Anu longélok anu bélamém pa:la
Du:téngém kinmoma:pé yokpakkang no
Matíla dung nom takar-po:lo-do:mír talé:to
Réngam yadrum ara:lo
Toya:la du:yé nom
Gasum saggém jo:bomna
Nok gílatkunané ayirdo:pé
=++=××=++=××=
