ANÉ AGOM
–MONUJ LAGACHU
ANÉKÉ LUNAM AGOMSÉM
ASO ASO:PÉ LUNYOK LUSOKBOMDUNG
APIR APIRO:PÉ GOMPIRÉ YOGBOMDUNG
TA:TO YA:YOBULUK LUPONÉ AGOMSÉM
GÍKOLO GÍNYOGDUNG
DUNGKOLO DU:NYOGDUNG
AMIKÉ AGOM LULA MITPANDUNG
AMIKÉ AGOMÉ LUTIDDUNG
AMIKÉ AGOM RAGGO KO:TIDDUNG
MA:NYÍNGÉM MA:TOKUMANG ANÉ AGOMKI
YÍRTOKUMANG ANÉ AGOMKI
LUPOSUTOKUMANG ANÉ AGOMKI
AGLÍNG SA:TOKUMANG ANÉ AGOMKI
MÉ:DÍRTOKUMANG ANÉ AGOMKI
KAPÉ IYÉN SÉMPÉ
AKONÉ AKONÉM LUSONSULA
AKONÉ AKONÉM MÉ:SONSULA
MÉ:NYOK MÉ:SOGDUNG
MITPANBOMDUNG
KAJÉ RÉNGAMA LÉKODA LENNANGKUI
LÉKODA LULANGKUI ANÉKÉ LUNAM AGOMSÉM
LÉKODA LEGAPPO:LANGKUI
PI:RO AMÍ:PÉ NGINSA:MOLANGKUI
PARÍNGÉM RÍ:MOLAI
JARSA:MOLAI GEJÍG GERO:LA
PARMOLAI AMÍ:DOKKÉ MÍNYÍKO
MÍNYÍDOKKÉ MÍ:PI:KOPÉ IMOLAI
MA:NYÍNGKO MA:LAI MISÍ:PÉ
MÉ:POLAI MISI:PÉ
MÉ:DÍRLAI MISI:PÉ
KAPLAI MISI:PÉ
ASIN AGOMSÉM LULAI MISI:PÉ.✍️✍️✍️
