Kapiné ayangén nok aya:dé
Janmoni Kuli,Jonai
Ké:né amí:pé oinok aya:dé
Ngok asin arang ara:pé para:la gídung
Ngo bupag pésin busa: la:mang
Gípag pesin gígén sula:mang
Kapiné ayangén nok aya:dé…..?
Ayang sikurpé oinok aya:dé
Ngok adin amirso i:pé ila bitgo:dung
Mobín supésin mopu: sula:mang
Motum lígpésin gétum la:mang
Kapiné ayangén nok aya:dé….?
Oikoli pétta:pé oinok aya:dé
Ngok asin bogum sí:lu:so kaba:dak
Tatponé gomugdém tattíla:sin du:lí:mang
Tatpa: ma:yégom ronggam pésamla dung-gu:mang
Kapiné ayangén nok aya:dé…?
Kinpé mé:lasin okkomsin kinpí la:mang …
Lékoném méngak sula du:modak
Nok luse: sela: lunam agom kíridé
Lékoném kangak sula du:modak
Nok ka:po kanganné dumsíg migmodé
Lukíka… Nok aya:dé kapiné ayangén..?
Janmoni Kuli
Jonai
