Agomsém mosí:supa:yé
Bipin Taye (Dhemaji)
Amik lu:rém tatboyok no
Amik agomém lumínyok no
Amiké gítído gíma:ngodapé
Amiké lutí:do lumango:dapé
Aíké opínsém bérrat Sula ka:tok..
Ané ké agomsok néring
Léppírém kurgotok…
Aiya:yan kamang ane ké
Oténg amo:sém
Lupoyan kamang ngoluk
Tatponé ané agomsém..
Silo pobug pogolo kungke:
Tedgabosudagém
Kajé ngolu jarmolai na:néké agomsém
Poyirlai sí:sané ko: ko:néngém
Miro miga:nolu dagrob pa:yé
Migang mimé nolu kinsupa:yé
A:ng píta pa:yé
Yupla du:mapé dagrobsupa:yé
Ané agomsém jarmo:pa:yé
Ngoluk opínsém turyarmopa:yé
