Kai ngolu lékopé
Udoi Ni:Tom
Sé:ko kapé okoldun?
Kai ngolu lékopé
Lékon amo:do:pag
Lékoda ngolu lékoyéku..!
Ngolu kumdangko da:po:lai
Ayang okum kumdangko
Ngoluk turlod-gílodé
Dírbí-dírlabé kínggí:la du:dopé.
Kai……;
Kai ngolu séturko turpo:lai
Ayang légo séturko;
Akonké ayang a:né
Kekondokké kesagdo:pé
Gíyí-gísa:tíla du:yartíla du:dopé.
Mo:lungé dokké ayiré
Ngolumíng lubidung
Sé amo:so gíturné ope:lok
Pinyo kayangarné mé:Jo:suné kísa:pé
Do:nyyé rokompé tolok sangge:la
Yumdéngém bolok oa:dung;
Longngé yummé gítíla gídung
Po:lo-bírdug a:tíla gídung
Néi-nénganésin lékoda
Ngantentídung.
Édémí:pé….
Takaméi lékoném mé:díré kado;
Lékoda mé:po a:do.
Asiné digyoka a:ngém mélígyoka;
Alígém lígpé mé:yoka.
Mé:dírém mé:yoka méngagsula du:yoka;
Mé:po yirman-so:maném méyoka.
Sé:ko kapé okoldun?
Kai silo lékopé
Lékon amo:do:pak lékoda ngolu lékoyéku..!!
