Mé:písula:ma:la dung
Sukha Taid,Dhemaji
Mépo emmnam Kato kuma nokké ainuk lupo:su:dokék,
ngoké kinmang kinmang pé,
Ayir ainé katokuma nokké lési lési ainuk riksu:dokké,,,,
Aidag aidag awína ainék padu:mílo…..
Adílai nosin awína miksém dípayepé
Doma tíma bemar aiyépé
Odopak no méng:kinyepé ngokké doyingko
Odo ayir ainu:yéku awína
Ayir sékom:sin toya:mang
Adí sékom:sin lubi:mang,
Métom:pé adlíngé nokké agom:dém
Nitompé molíng nokké lunam:dém
Asin arabo payek:pé yékla dung
Lusar sula:mala,
Asin:sé ram:dung ménam:sém
Kísar sula:mala
Kar:pun:puli yumé:dosin
Kémo mowa:dung
Donyí longedo:sin
Míksup yínga:dung
Nok luter agom dé
Nok bitér ayadé ….
Mépo emm:nam Kato kuma nokké ainuk lupo:su:dokék,
ngoké kinmang kinmang pé,
Ayir ainé katokuma nokké lési lési ainuk riksu:dokké,,,,
Aidag aidag awína ainék padu:mílo…..
Polo:bísin kar:toku:mang
Takar bísin bok:to:kumang
Jojok appun bísin pun:toku:mang
Éddíko sém:pé turyen nom kamapé.
Ainé ayir dém bom:kang:ku
Mépon asin sém rott:bom:kang:kung
Nok asin dé ayang:kosim kaman
Nok ayadé mépo:kosin katomang.
