Mé:yin subilang
Krishno Dole:
Mé:yin subilang
Ngo édém tadlí:mang
Kapéné ngom démke:dag
Lédípé aiyépé émtomílo
Ngom pa:yékulang.
Mé:yin subilang
Édém ngo tadlí:mang
Ngoluk dírbí yelamém
Lure-tak luge:la
Aya:sulang émtomílo aiyélang.
Mé:yin subilang
Édém ngo aipé mé:mang
Du:téng amo:sém
Angu: ope:yé rotpado:do
Aiyé:pé émtomílo
Ngo édém pa:yékulang.
Mé:yin subilang
Édé gompirdém ngo tadlí:mang
Anéké agom Luma:pé
Amik agom luge:la
Aiyé:pé émtomílo
Anéké agomdém kinyélang.
