Nébíngkolokké pirnyouko
JILI: dítag-bí:ríg odokké mitom kébang
Gíné 2020 dok 5th September longédok yumdéng ayir 6:00 adído po:péké Mising agom kéba:lok abu Mg Gobind Taid migomké dunggurnan online kéba:do Po:péké Mising agom kéba:lok abu oi Mg Khogen Pe:gu bí tamsarka. Édé longédok léduké dítagdokké dítag dítaglo JILI: dítag-bí:rígém moírtíla dung. Édé dítag-bí:rígdo dítag ara:dok lenné lusarkídí:dok adné appí:dokkém balen-ge:la potinpé tubjedla la:lennam agerém gertíla dung.
Édé moír arangí:do ngolu mitom kébangém ba:la bangkí bangkí mo:dum,mongkélok mitomém gokkumsula mé:tom adnam,gomlab témbonam atí atí tarungém la:la adnékí luymnam agerém gerla dung.Édé mége:la:sin toyumnam,mé:tom anka:mínsunam atí atílok aman binam agerém gerla dung. Ané agomsém rémbopé adnéko kapa:yé,porinéko kapa:yé. Buluk adlí:dopé,porilí:dopé JILI: dítag-bí:rígdo gogla mé:po-ménganna takamé ríksula aíké atsunam mé:tomém pokanna asin ayang orpan-ka:mínsudo.
Dítag-bí:rígdok potinpé tubjedla la:lennamdém ané agom mé:bon takamé apir-pirnyipé murkongém gédumsula la:lendag. Ané agomsé yogmílo lékoda pangkuma:bo. Ngoluk lédumokutsuné kídíngém lubisunané nappangé ngolukké kama:yé. Odok légangé takam Mising taniyé ménggabdanna agom turmonané bélamdém ka:dum/gídumsunamdé ainé ageré.
Gíné dítag angngodo sé:kobulu ngolum murko: manggom gerdum ka:dumsula ngolum agerém gerlí:dopé a:ngém bidu:ji buluk -kolo:pé asé:lígdung. Odokké sé:ko bulu adnamém bila JILI: lusarsém írga:mola du:ji buluk-kolo:pésin asé:lígdung.
Germur,gímurdé tani: takamké.Ngolukkésin ka:beksuma:nam germur-geryaré éddíkoi kadu:song lupí:sula:ma. Takamém kumpa:dung sé:kai kapa:suyém sutkan-bilang.odokkésin JILI: lusarsém aiya:dopé gerla:nané lambéko kin-yémílo luyirbilang.
Léddarpé ngok gerjon ajon kídíngésin ngedlatsuma:pé agerém gernam légangé appíngém asé:dung.
Sa aipé
Nébíng-kumsu
Debanondo Pe:gu,
Ru:tum nébíng
Gulap Bori
,nébíng
