No sé:kon ?
Priti Padun
Dumsígdémsin Ka:pamang
Gomugdémsin tatpí:mang
Émpige:la ayangíngki
Ma:tu modak ma:ynisém
Réngadmodak asinsém.
Kérangíso gípadnémpé
Gílomlígdak bélamsém
Do:yingarko kídunémpé
Tatsut talludmodak lo:dísém
Kapilai lé:su gapsul duksudun
Ang angkéng kimodun
Ayang apunkoi lépémíl
Lelígma:dab ormodun?
Pédongéi otérka:bong
Do:mírésin mírtérkabong
Sélap pongkok po:rokdok
Do:pidésin dítérka:bong
Odok to:té ro:répé
Po:lobí gíla karténgpé píngka:bong
Lo:ladé yogdu:bong
Su:lo:pé
Ka:térénnam migmodém kangkurla:tomang
Ayang agompin gomugdém
Tatgabla:tomang.
✍️priti padun